ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປີດຊຸດຝຶກອົບຮົມວຽກງານຄຸ້ມຄອງ ແລະ ສໍາເນົາເອກະສານ ຊຸດທີ I ຂຶ້ນໃນວັນທີ 13 ສິງຫານີ້, ທີ່ສະຖາບັນເຕັກໂນໂລຊີການສື່ສານຂໍ້ມູນຂ່າວສານ. ໂດຍການເປັນປະທານຂອງທ່ານ ນາງ ວັນນາ ພົມມະວົງ ຮອງຫົວໜ້າກົມຈັດຕັ້ງ-ພະນັກງານ, ກະຊວງ ປທສ. ມີການເຂົ້າຮ່ວມຂອງທ່ານ ນາງ ເພັດມະນີ ຫຼວງລາດ ຮອງຫົວໜ້າກົມເອກະສານແຫ່ງຊາດ, ກະຊວງ ພາຍໃນ ພ້ອມດ້ວຍຄະນະພະແນກ ປທສ ແຂວງ ແລະ ນັກສໍາມະນາກອນ 09 ແຂວງພາກກາງ-ໃຕ້. ຊຶ່ງຈະໄດ້ດໍາເນີນໄປເປັນເວລາ 03 ວັນ ລະຫວ່າງວັນທີ 13-15 ສິງຫາ 2019.