ໂດຍປະຕິບັດຕາມຂໍ້ຕົກລົງຂອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ ສະບັບເລກທີ 903/ປທສ, ລົງວັນທີ 30 ມີນາ 2020 ວ່າດ້ວຍການຂຶ້ນທະບຽນເລກໝາຍໂທລະສັບ; ໃນລະຫວ່າງວັນທີ 28-31 ກໍລະກົດ 2020 ທີ່ຜ່ານມາ, ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງບໍລິຄຳໄຊ ສົມທົບກັບສາຂາບໍລິສັດທີ່ໃຫ້ບໍລິການດ້ານໂທລະຄົມມະນາຄົມ ແລະ ອິນເຕີເນັດເຊັ່ນ: ບໍລິສັດ ສະຕາ ໂທລະຄົມ ຈຳກັດ, ບໍລິສັດ ລາວໂທລະຄົມ ມະຫາຊົນ ແລະ ບໍລິສັດ ອີທີແອລ ຈຳກັດ ໄດ້ລົງເຄື່ອນໄຫວຂຶ້ນທະບຽນເລກໝາຍໂທລະສັບ ແລະ ຊິມເນັດ ຜ່ານແອັບ 3 ແກັບ ຢູ່ 2 ເມືອງພູດອຍຄື: ເມືອງວຽງທອງ ແລະ ເມືອງຄຳເກີດ ໂດຍການເປັນປະທານຂອງ ທ່ານ ລັງສີ ແກ້ວວິເສດ ຫົວໜ້າພະແນກ ປທສ ແຂວງ, ມີບັນດາຄະນະອຳນວຍການ ແລະ ພະນັກງານວິຊາການຂອງ 3 ບໍລະສັດໂທລະຄົມເຂົ້າຮ່ວມຢ່າງພ້ອມພຽງ.