JP Magazine v2 - шаблон joomla Оригами

ພະແນກ ປທສ ແຂວງບໍລິຄຳໄຊ ຈັດຕັ້ງເຊື່ອມຊືມເອກະສານໃຫ້ແກ່ພະນັກງານ-ສະມາຊິກພັກ ພາຍໃນຂົງເຂດຂອງຕົນຂື້ນ.

Written by Super User. Posted in ກ່ຽວກັບພະແນກ

      ໃນຕອນເຊົ້າວັນທີ 14 ມັງກອນ 2021 ທີ່ຜ່ານມານີ້, ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ ໄດ້ເຜີຍແຜ່ເຊື່ອມຊືມເອກະສານ ເພື່ອຫວນຄືນມູນສອງວັນປະຫວັດສາດຂອງຊາດຂື້ນ ຢູ່ທີ່ຫ້ອງປະຊຸມບໍລິສັດ ລາວໂທລະຄົມ ມະຫາຊົນ ສາຂາແຂວງບໍລິຄຳໄຊ ເອກະສານທີ່ນຳມາເຜີຍແຜ່ເຊື່ອມຊຶມໃນຄັ້ງນີ້ມີ 3 ເອກະສານຄື: 1) ວັນສະຖາປານາສາທາລະນະລັດ ປະຊາທິປະໄຕ ປະຊາຊົນລາວ ວັນຊາດທີ 2 ທັນວາ ຄົບຮອບ 45 ປີ, 2) ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປີ, 3) ຜົນສໍາເລັດກອງປະຊຸມໃຫຍ່ ຄັ້ງທີ II ຄະນະພັກຮາກຖານພະແນກ ປທສ ແຂວງບໍລິຄຳໄຊ ແລະ ຂໍ້ກຳນົດ ວ່າດ້ວຍພາລະບົດບາດ, ໜ້າທີ່, ສິດ ແລະ ແບບແຜນວິທີເຮັດວຽກຂອງຄະນະພັກຮາກຖານ. ໃຫ້ກຽດເຜີຍແຜ່ເອກະສານໃນຄັ້ງນີ້ມີທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງ ແລະ ທ່ານ ຫົງວິໄລ ຈູນລະມູນຕີ ຮອງເລຂາຄະນະພັກຮາກຖານ ອຳນວຍການ ບໍລິສັດ ລາວໂທລະຄົມ ມະຫາຊົນ ສາຂາແຂວງບໍລິຄຳໄຊ, ມີບັນດາພະນັກງານ-ສະມາຊິກພັກ ພາຍໃນຂົງເຂດ ປທສ ເຂົ້າຮ່ວມຮັບຟັງຢ່າງພ້ອມພຽງ.

ພະແນກ ເຕັກໂນໂລຊີ ແລະ ການສື່ສານ ແຂວງບໍລິຄຳໄຊ ຈັດຕັ້ງເຊື່ອມຊືມເອກະສານທີ່ສຳຄັນ ໃຫ້ແກ່ພະນັກງານ-ລັດຖະກອນ

Written by Super User. Posted in ກ່ຽວກັບພະແນກ

ໃນຕອນເຊົ້າວັນທີ 17 ສິງຫາ 2021 ທີ່ຜ່ານມານີ້, ພະແນກເຕັກໂນໂລຊີ ແລະ ການສື່ສານ ແຂວງບໍລິຄຳໄຊ ໄດ້ເຜີຍແຜ່ເຊື່ອມຊືມເອກະສານທີ່ສຳຄັນ ຈຳນວນ 4 ເອກະສານຄື: 1) ຄຳສັ່ງຂອງກົມການເມືອງສູນກາງພັກ ເລກທີ 01/ກມສພ, ລົງວັນທີ 26 ກໍລະກົດ 2021 ວ່າດ້ວຍການເພີ່ມທະວີການນໍາພາ-ຊີ້ນຳ ຂອງຄະນະພັກແຕ່ລະຂັ້ນ ໃນການຈັດຕັ້ງປະຕິບັດມາດຕະການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງີນ; 2) ຄຳສັ່ງຂອງກົມການເມືອງສູນກາງພັກ ເລກທີ 02/ກມສພ, ລົງວັນທີ 26 ກໍລະກົດ 2021 ວ່າດ້ວຍການເພີ່ມທະວີການນຳພາ-ຊີ້ນຳ ຂອງຄະນະພັກແຕ່ລະ

ພິທີປະກາດການປ່ຽນຊື່ພະແນກໄປສະນີ, ໂທລະຄົມມະນາຄົມ ແລະ ການສື່ສານ ມາເປັນພະແນກເຕັກໂນໂລຊີ ແລະ ການສື່ສານ

Written by Super User. Posted in ກ່ຽວກັບພະແນກ

 

ໃນວັນທີ 23 ກໍລະກົດ 2021 ທີ່ຜ່ານມານີ້; ຢູ່ທີ່ຫ້ອງປະຊຸມເບີ 3 ຂອງຫ້ອງວ່າການປົກຄອງແຂວງ ແຂວງບໍລິຄຳໄຊ, ໄດ້ຈັດພິທີປະກາດການປ່ຽນຊື່ພະແນກໄປສະນີ, ໂທລະຄົມມະນາຄົມ ແລະ ການສື່ສານ ມາເປັນພະແນກເຕັກໂນໂລຊີ ແລະ ການສື່ສານ ແລະ ປະກາດແຕ່ງຕັ້ງຫົວໜ້າ ແລະ ຮອງຫົວໜ້າພະແນກເຕັກໂນໂລຊີ ແລະ ການສື່ສານ ແຂວງບໍລິຄຳໄຊ, ພາຍໃຕ້ການເປັນປະທານຂອງທ່ານ ວັນວິໄລ ແດນພູຫຼວງ ຮອງເລຂາພັກແຂວງ ຜູ້ຊີ້ນຳວຽກງານພັກ-ພະນັກງານ, ມີບັນດາຕາງໜ້າຈາກພະແນກການທີ່ກ່ຽວຂ້ອງຂັ້ນແຂວງ, ເມືອງ, ສຳມະຊິກພັກ, ພະນັກງານພາຍໃນພະແນກການ, ຕາງໜ້າອົງການຈັດຕັ້ງທີ່ກ່ຽວຂ້ອງເຂົ້າຮ່ວມ.

ໜ່ວຍແມ່ຍິງພະແນກ ປທສ ແຂວງບໍລິຄຳໄຊ ຫວນຄືນມູເຊື້ອວັນແມ່ຍິງສາກົນ ຄົບຮອບ 111 ປີ

Written by Super User. Posted in ກ່ຽວກັບພະແນກ

ໃນວັນທີ 1 ເມສາ 2020 ຢູທີ່ຫ້ອງປະຊຸມພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ, ໄດ້ຈັດຕັ້ງປາຖະກະຖາລະນຶກ ວັນແມ່ຍິງສາກົນ ຄົບຮອບ 111 ປີ (8 ມີນາ 1910 – 8 ມີນາ 2021) ເປັນກຽດເຂົ້າຮ່ວມ ແລະ ເຜີຍແຜ່ເອກະສານຂອງທ່ານ ວັດທະນາ ສີສຸວັນທອງ ຮອງເລຂາໜ່ວຍພັກ ຮອງຫົວໜ້າພະແນກ ປທສ ແຂວງ ຜູ້ຊີ້ນຳວຽກງານອົງການຈັດຕັ້ງມະຫາຊົນ, ມີສະມາຊິກແມ່ຍິງພາຍໃນໜ່ວຍຂອງຕົນເຂົ້າຮ່ວມຢ່າງພ້ອມພຽງ.

ເຈົ້າແຂວງບໍລິຄຳໄຊ ພົບປະໂອ້ລົມພະນັກງານ ພະແນກເຕັກໂນໂລຊີ ແລະ ການສື່ສານແຂວງບໍລິຄຳໄຊ

Written by Super User. Posted in ກ່ຽວກັບພະແນກ

​​​​​ໃນຕອນເຊົ້າ​ວັນ​ທີ 5 ສິງຫາ 2021 ນີ້ ຢູ່ທີ່​ຫ້ອງ​ປະຊຸມ​ພະແນກເຕັກໂນໂລຊີ ແລະ ການສື່ສານ ​ແຂວງ​ບໍລິ​ຄຳ​ໄຊ, ທ່ານ ປອ ກອງແກ້ວ ໄຊສົງຄາມ ກຳມະການສູນກາງພັກ ເລຂາພັກແຂວງ ເຈົ້າແຂວງບໍລິຄຳໄຊ ​ພ້ອມດ້ວຍ​ຄະນະໄດ້​ລົງຢ້ຽມຢາມໂອ້​ລົມ​ພະນັກງານ ພະແນກເຕັກໂນໂລຊີ ​ແລະ ການ​ສື່ສານ ​ແຂວງ​ບໍລິ​ຄຳ​ໄຊ ພາຍຫຼັງປະກາດປ່ຽນຊື່ມາເປັນພະແນກ ເຕັກໂນໂລຊີ ແລະ ການສື່ສານ ໃນວັນທີ 23 ກໍລະກົດ 2021 ທີ່ຜ່ານມາ. ​ເຂົ້າ​ຮ່ວມ​ຮັບ​ຟັງ​ການ​ໂອ້ລົມ​ຄັ້ງ​ນີ້ ມີ​ທ່ານ ​ລັງສີ ແກ້ວວິເສດ ຫົວໜ້າ​ພະ​ແນ​ກເຕັກໂນໂລຊີ ແລະ ການສື່ສານ ​ແຂວງ, ມີ​ຄະນະພະແນກ, ພ້ອມດ້ວຍພະນັກງານ​-ລັດຖະກອນ​​ ພະ​ແນ​ກ ຕສ ​ແຂວງ ​ແລະ ບໍລິສັດ​ໄປສະນີ, ​ໂທລະ​ຄົມມະນາຄົມ ​ພາຍ​ໃນ​ແຂວງ​ເຂົ້າ​ຮ່ວມ​.