JP Magazine v2 - шаблон joomla Оригами

ກົມແຜນການ ແລະ ການຮ່ວມມື ກະຊວງ ປທສ ຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ

Written by Super User. Posted in ກ່ຽວກັບພະແນກ

ໃນວັນທີ 23 ພະຈິກ 2020 ຜ່ານມານີ້, ຢູ່ທີ່ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ, ທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງບໍລິຄຳໄຊ ໄດ້ຕ້ອນຮັບທ່ານ ເສົານະຄອນ ເພັດວິຫານ ຮອງຫົວໜ້າກົມ ແຜນການ ແລະ ການຮ່ວມມື ພ້ອມຄະນະ, ມີບັນດາຫົວໜ້າຂະແໜງ, ຮອງຂະແໜງ ພາຍໃນພະແນກເຂົ້າຮ່ວມ.

ໃນພິທີທ່ານ ວັດທະນາ ສີສຸວັນທອງ ຮອງຫົວໜ້າພະແນກ ປທສ ແຂວງບໍລິຄຳໄຊ ໄດ້ລາຍງານຜົນສຳເລັດການຈັດຕັ້ງປະຕິບັດວຽກງານໃນໄລຍະ 5 ປີ(2016-2020) ແລະ ທິດທາງແຜນການ 5 ປີ (2021-2025) ຂອງຂະແໜງ ປທສ, ໃຫ້ທ່ານຮອງຫົວໜ້າກົມ ແຜນການ ແລະ ການຮ່ວມມື ຮັບຊາບ, ກອງປະຊຸມຍັງໄດ້ເຜີຍແຜ່ແລກປ່ຽນບົດຮຽນ ແລະ ຕີລາຄາປະເມີນຜົນການຈັດຕັ້ງປະຕິບັດວຽກງານ ປທສ ໃນໄລຍະຜ່ານມາ. ໃນຕອນທ້າຍທ່ານ ເສົານະຄອນ ເພັດວິຫານ ໄດ້ສະຫຼຸບຜົນຂອງກອງປະຊຸມ ໂດຍທ່ານໄດ້ຍົກໃຫ້ເຫັນ ແລະ ຕີລາຄາສູງກ່ຽວກັບຜົນສຳເລັດຂອງການຈັດຕັ້ງປະຕິບັດທີ່ຜ່ານມາ ແລະ ແຜນພັດທະນາ 5 ປີ(2021-2025) ຂອງຂະແໜງ ປທສ.