ໃນວັນທີ 1 ເມສາ 2020 ຢູທີ່ຫ້ອງປະຊຸມພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ, ໄດ້ຈັດຕັ້ງປາຖະກະຖາລະນຶກ ວັນແມ່ຍິງສາກົນ ຄົບຮອບ 111 ປີ (8 ມີນາ 1910 – 8 ມີນາ 2021) ເປັນກຽດເຂົ້າຮ່ວມ ແລະ ເຜີຍແຜ່ເອກະສານຂອງທ່ານ ວັດທະນາ ສີສຸວັນທອງ ຮອງເລຂາໜ່ວຍພັກ ຮອງຫົວໜ້າພະແນກ ປທສ ແຂວງ ຜູ້ຊີ້ນຳວຽກງານອົງການຈັດຕັ້ງມະຫາຊົນ, ມີສະມາຊິກແມ່ຍິງພາຍໃນໜ່ວຍຂອງຕົນເຂົ້າຮ່ວມຢ່າງພ້ອມພຽງ.
ໃນຕອນເຊົ້າວັນທີ 14 ມັງກອນ 2021 ທີ່ຜ່ານມານີ້, ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ ໄດ້ເຜີຍແຜ່ເຊື່ອມຊືມເອກະສານ ເພື່ອຫວນຄືນມູນສອງວັນປະຫວັດສາດຂອງຊາດຂື້ນ ຢູ່ທີ່ຫ້ອງປະຊຸມບໍລິສັດ ລາວໂທລະຄົມ ມະຫາຊົນ ສາຂາແຂວງບໍລິຄຳໄຊ ເອກະສານທີ່ນຳມາເຜີຍແຜ່ເຊື່ອມຊຶມໃນຄັ້ງນີ້ມີ 3 ເອກະສານຄື: 1) ວັນສະຖາປານາສາທາລະນະລັດ ປະຊາທິປະໄຕ ປະຊາຊົນລາວ ວັນຊາດທີ 2 ທັນວາ ຄົບຮອບ 45 ປີ, 2) ວັນຄ້າຍວັນເກີດປະທານໄກສອນ ພົມວິຫານ ຄົບຮອບ 100 ປີ, 3) ຜົນສໍາເລັດກອງປະຊຸມໃຫຍ່ ຄັ້ງທີ II ຄະນະພັກຮາກຖານພະແນກ ປທສ ແຂວງບໍລິຄຳໄຊ ແລະ ຂໍ້ກຳນົດ ວ່າດ້ວຍພາລະບົດບາດ, ໜ້າທີ່, ສິດ ແລະ ແບບແຜນວິທີເຮັດວຽກຂອງຄະນະພັກຮາກຖານ. ໃຫ້ກຽດເຜີຍແຜ່ເອກະສານໃນຄັ້ງນີ້ມີທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງ ແລະ ທ່ານ ຫົງວິໄລ ຈູນລະມູນຕີ ຮອງເລຂາຄະນະພັກຮາກຖານ ອຳນວຍການ ບໍລິສັດ ລາວໂທລະຄົມ ມະຫາຊົນ ສາຂາແຂວງບໍລິຄຳໄຊ, ມີບັນດາພະນັກງານ-ສະມາຊິກພັກ ພາຍໃນຂົງເຂດ ປທສ ເຂົ້າຮ່ວມຮັບຟັງຢ່າງພ້ອມພຽງ.
ໃນວັນທີ 12 ມັງກອນ 2021 ຜ່ານມານີ້; ທ່ານ ສະກຸນຄຳ ແກ້ວບຸນຍາສິດ ຮັກສາການຫົວໜ້າກົມ ກວດກາ ກະຊວງ ປທສ ພ້ອມຄະນະໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ແຂວງບໍລິຄຳໄຊ ໃຫ້ກຽດຕ້ອນຮັບໂດຍທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງບໍລິຄຳໄຊ ພ້ອມຄະນະ, ຈຸດປະສົງໃນການລົງມາເຄື່ອນໄຫວວຽກງານຄັ້ງນີ້ກໍ່ເພື່ອເປັນການຊຸກຍູ້ວຽກງານຕິດຕາມ, ກວດກາ ຕາມຂະແໜງສາຍຕັ້ງ ແລະ ກວດກາຄືນການແກ້ໄຂຜົນການກວດກາຢູ່ສາຂາບໍລິສັດ ໄປສະນີ ໃນຊຸມປີຜ່ານມາ.
ບັ້ນດຳເນີນຊີວິດການເມືອງກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂອງຄະນະພັກຮາກຖານ ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ ໄດ້ຈັດຂຶ້ນໃນຕອນບ່າຍຂອງວັນທີ 7 ທັນວາ 2020 ຢູ່ຫ້ອງປະຊຸມບໍລິສັດ ລາວໂທລະຄົມມະຫາຊົນ ສາຂາ ຂວງບໍລິຄຳໄຊ ໂດຍການເປັນປະທານຂອງສະຫາຍ ລັງສີ ແກ້ວວິເສດ ເລຂາຄະນະພັກຮາກຖານພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ, ມີຄະນະພັກຮາກຖານ, ຄະນະຊຸກຍູ້ຕິດຕາມກວດກາໜ່ວຍພັກປອດໃສ, ເຂັ້ມແຂງ, ໜັກແໜ້ນ ຂັ້ນແຂວງ, ເລຂາໜ່ວຍພັກ ພ້ອມດ້ວຍສະມາຊິພັກສົມບູນ ແລະ ສຳຮອງ ພາຍໃນ 4 ໜ່ວຍພັກ ທີ່ຂື້ກັບຄະນະພັກຮາກຖານພະແນກ ປທສ ຂວງ ເຂົ້ົ້າຮ່ວມ.
ໃນວັນທີ 23 ພະຈິກ 2020 ຜ່ານມານີ້, ຢູ່ທີ່ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງບໍລິຄຳໄຊ, ທ່ານ ລັງສີ ແກ້ວວິເສດ ເລຂາຄະນະພັກຮາກຖານ ຫົວໜ້າພະແນກ ປທສ ແຂວງບໍລິຄຳໄຊ ໄດ້ຕ້ອນຮັບທ່ານ ເສົານະຄອນ ເພັດວິຫານ ຮອງຫົວໜ້າກົມ ແຜນການ ແລະ ການຮ່ວມມື ພ້ອມຄະນະ, ມີບັນດາຫົວໜ້າຂະແໜງ, ຮອງຂະແໜງ ພາຍໃນພະແນກເຂົ້າຮ່ວມ.