​​​​​ໃນຕອນເຊົ້າ​ວັນ​ທີ 5 ສິງຫາ 2021 ນີ້ ຢູ່ທີ່​ຫ້ອງ​ປະຊຸມ​ພະແນກເຕັກໂນໂລຊີ ແລະ ການສື່ສານ ​ແຂວງ​ບໍລິ​ຄຳ​ໄຊ, ທ່ານ ປອ ກອງແກ້ວ ໄຊສົງຄາມ ກຳມະການສູນກາງພັກ ເລຂາພັກແຂວງ ເຈົ້າແຂວງບໍລິຄຳໄຊ ​ພ້ອມດ້ວຍ​ຄະນະໄດ້​ລົງຢ້ຽມຢາມໂອ້​ລົມ​ພະນັກງານ ພະແນກເຕັກໂນໂລຊີ ​ແລະ ການ​ສື່ສານ ​ແຂວງ​ບໍລິ​ຄຳ​ໄຊ ພາຍຫຼັງປະກາດປ່ຽນຊື່ມາເປັນພະແນກ ເຕັກໂນໂລຊີ ແລະ ການສື່ສານ ໃນວັນທີ 23 ກໍລະກົດ 2021 ທີ່ຜ່ານມາ. ​ເຂົ້າ​ຮ່ວມ​ຮັບ​ຟັງ​ການ​ໂອ້ລົມ​ຄັ້ງ​ນີ້ ມີ​ທ່ານ ​ລັງສີ ແກ້ວວິເສດ ຫົວໜ້າ​ພະ​ແນ​ກເຕັກໂນໂລຊີ ແລະ ການສື່ສານ ​ແຂວງ, ມີ​ຄະນະພະແນກ, ພ້ອມດ້ວຍພະນັກງານ​-ລັດຖະກອນ​​ ພະ​ແນ​ກ ຕສ ​ແຂວງ ​ແລະ ບໍລິສັດ​ໄປສະນີ, ​ໂທລະ​ຄົມມະນາຄົມ ​ພາຍ​ໃນ​ແຂວງ​ເຂົ້າ​ຮ່ວມ​.